Qazaqstan áskerı qýaty boıynsha 58 orynǵa shyqty

Qazaqstan álem elderiniń áskerı qýatyn 60 túrli kórsetkish boıynsha esepteıtin Global Firepower-2024 reıtınginde 145 memlekettiń ishinde 58-orynǵa shyqty, dep Kazinform. 

Atalǵan 60 kórsetkishtiń ishinde eldegi áskerı bólimderdiń sany men quramy, áskerı salaǵa bólinetin qarjynyń jalpy ishki ónim kólemindegi úlesi, áskerdiń logıstıkalyq múmkindikteri men ornalasqan orny sııaqty sanattar negizge alynǵan.

Reıtıngtiń alǵashqy bestiginde AQSh, Reseı, Qytaı, Úndistan, Ońtústik Koreıa tur. Túrkııa – 8 orynda, Iran – 14 orynda, Ýkraına – 18 orynda, Ázerbaıjan 59 orynda, Ózbekstan 65 orynda tur.

Byltyr Qazaqstan atalmysh reıtıngte 63- orynda bolǵan edi.