Qazaqstan álemde CASHLESS-ekonomıka retinde moıyndalǵan - Jaslan Mádıev
ASTANA. KAZINFORM – Qazaqstan tranzaktsııalardyń 90 paıyzy qolma-qol aqshasyz júrgiziletin CASHLESS-ekonomıka retinde moıyndalǵan. Bul týraly Taldau Talks podkastynda Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev aıtty.
- Sońǵy 10 jylda tsıfrlandyrý salasyna, tsıfrlyq transformatsııaǵa óte úlken ınvestıtsııa salyndy. Sonyń nátıjesinde elimiz búginde tsıfrlyq formatta memlekettik qyzmet kórsetý boıynsha postkeńestik keńistikte, jalpy jahandy kóshbasshylardyń qatarynda keledi. ıAǵnı, biz BUU-nyń elektrondy úkimet deńgeıi boıynsha TOP-24, onlaın-qyzmetter sapasy boıynsha TOP-10 eldiń qataryna kiremiz. Qazirgi ýaqytta memlekettik qyzmetterdiń 90 paıyzy onlaın formatta qoljetimdi. Qazaqstan tranzaktsııalardyń 90 paıyzy qolma-qol aqshasyz júrgiziletin CASHLESS-ekonomıka retinde moıyndalǵan, - dedi mınıstr.
Onyń aıtýynsha, tsıfrlandyrýdyń qarqyndy damýyna zańnamalyq bastamalar da septigin tıgizdi. Nátıjesinde tsıfrlyq qujattar qaǵaz túrindegi qujatpen para-par boldy.
- Menińshe, elimizde kópshilik júrgizýshi kýáligi, jeke kýálik sııaqty qujattardy ózimen birge alyp júrmeıdi. Ózimde bankke barǵanda, kólik júrgizgende, ushaqpen qatynaǵanda qaǵaz túrindegi qujattardy ózimen birge alyp júrmeımin, - dedi Jaslan Mádıev.
Mınıstr elimizdiń Ulttyq banki álemde alǵashqylardyń biri bolyp CBDC (Central Bank Digital Currency), ıaǵnı tsıfrlyq aqsha jobasyn iske qosqanyn aıtty.
- Ártúrli eldegi 90-nan astam ortalyq bank osyndaı jobamen jumys istep jatyr. Al biz alǵashqylardyń biri bolyp iske qostyq. Qazirdiń ózinde rıteılde bastadyq. ıAǵnı, adamdar ony qoldanýda. Ulttyq banktiń birtindep "wholesale market"-ke kóshý jospary bar. Munan bólek búginde keıbir bıýdjettik shyǵystarǵa qatysty ilki jobalarda tsıfrlyq teńge qoldanylyp jatyr, - dedi ol.
Aıta keteıik, Taldau Talks – Senat tóraǵasy Máýlen Áshimbaev júrgizetin ashyq dıalog alańy. Onda el damýyna qatysty mańyzdy máseleler jáne Memleket basshysy júktegen mindetterdi iske asyrý joldary talqylanady. Bul jolǵy shyǵarylym Qazaqstanda tsıfrlandyrý jáne jasandy ıntelektini damytý taqyrybyna arnaldy.
Osyǵan deıin Jaslan Mádıev pılotsyz kólik jobalarynyń avtorlaryna erekshe quqyqtyq rejım berýdi usynǵan bolatyn.