Qazaq tilindegi úzdik saıttar anyqtaldy
Nur-Sultan qalasynda Qazaqstan Respýblıkasy Tuńǵysh Prezıdenti – Elbasy Qorynyń úzdik qazaqtildi ınternet-saıt baıqaýynyń marapattaý rásimi ótti. Baıqaý uıymdastyrýshysy – Memlekettik tildi damytý qory.
Marapattaý rásimine Qazaqstan Respýblıkasy Tuńǵysh Prezıdenti – Elbasy Qory atqarýshy dırektorynyń orynbasary Álkeı Marǵulan, QR Parlament Senatynyń depýtaty Nurtóre Júsip, Memlekettik tildi damytý qorynyń dırektory Azat Sháýeev, sonymen qatar qoǵam qaıratkerleri men BAQ ókilderi qatysty.
Eń úzdik qazaqtildi ınternet saıt baıqaýy 2016 jyldan bastap dástúrli túrde ótkizilip keledi. Bıyl respýblıkanyń ár aımaǵynan 30-ǵa jýyq úmitker úzdik saıt ataǵy úshin baq synasty. Jeńimpazdar 9 nomınatsııa boıynsha anyqtaldy.
Marapattaý rásiminiń ashylýynda Álkeı Marǵulanuly:
«Osy baıqaýdy uıymdastyra otyryp, biz memlekettik tildiń damýyn, onyń ishinde ınternettegi damýyn qoldaımyz jáne qazaq tildi saıttardyń qyzmetin yntalandyramyz. Baıqaýǵa degen qyzyǵýshylyq jyldan-jylǵa artyp kele jatqanyna qýanyshtymyn», - dep atap ótti.
«Ótkir til» atalymy boıynsha qalamger.kzsaıty jeńimpaz atandy.
«Rýhanı azyq» atalymyndaǵy eń úzdik saıt marapatyna madeniportal.kz saıty ıe boldy.
dasturkb.kz saıty «Tereń izdenis» atalymy boıynsha úzdik dep tanyldy.
Arasha.kz saıty «Shynaıy ómir» atalymynda úzdik dep baǵalandy.
«Sport tynysy» atalymy boıynsha eń úzdik saıt - qsport.kz.
«Bilim bulaǵy» atalymy boıynsha júlde ozattar.kz saıtyna berildi.
«Jastar álemi» atalymy boıynsha balbal-kz saıty jeńimpaz atandy.
«Balalarǵa bazarlyq» atalymyndaǵy eń úzdik balalarǵa arnalǵan saıt marapaty imektep.kz portalyna berildi.
«Oıyn-saýyq» atalymy boıynsha júlde kinostan.kz saıtyna berildi.
Baıqaý jeńimpazdary QR Tuńǵysh Prezıdenti — Elbasy Qorynyń dıplomymen, 385 myń teńge kólemindegi aqshalaı syılyqpen marapattaldy.
Tuńǵysh Prezıdenti Qory atqarýshy dırektorynyń orynbasary Álkeı Marǵulan elektrondy aqparattyq keńistiktegi memlekettik tildiń damýyna óz úlesterin qosyp, aýdıtorııany qazaq tilinde aqparattandyratyn otandyq saıttardyń rólin erekshe atap ótti.
Eske sala keteıik, buǵan deıin ótkizilgen úsh baıqaýdyń qorytyndysy boıynsha respýblıkanyń 25 qazaqtildi saıty jeńimpaz atanyp, aqshalaı syılyqqa ıe bolǵan.
