Qazaq sportshylarynyń jarqyn jeńisi
ASTANA. KAZINFORM – Týrızm jáne sport mınıstrligi qazaq sportshylarynyń ótken aptadaǵy jarqyn jeńisi týraly baıandady.
Aýyr atletıka: Elordada ótken jasóspirimder men jastar arasyndaǵy aýyr atletıkadan Azııa chempıonatynda otandastarymyz joǵary nátıje kórsetip, 21 altyn, 12 kúmis jáne 17 qola medal jeńip aldy.
Quzǵa órmeleý: Frantsııanyń Shamonı qalasynda ótken quzǵa órmeleýden Álem kýbogi kezeńinde ulttyq qurama múshesi Rıshat Haıbýllın kúmis júldege ıe boldy.
Taekvondo: Ońtústik Koreıanyń Chhýnchhon qalasynda uıymdastyrylǵan komandalyq álem kýboginde Qazaqstannyń erler quramasy qola medal jeńip aldy. Qurama sapynda Bekasyl Ergesh, Abdrahman Marıpov, Mergen Ǵanıev jáne Nurbek Ǵazez óner kórsetti.
Tennıs: Nıderland astanasy Amsterdamda ótken Tennis Europe Amstelpark Tennis Academy Trophy 2025 týrnırinde otandasymyz Aıym Qanaǵatova chempıon atandy.
Kúres: Qyrǵyzstannyń Bishkek qalasynda ótken kúres túrlerinen 20 jasqa deıingi Azııa chempıonatynda jerlesterimiz 3 altyn, 3 kúmis jáne 7 qola medal jeńip aldy.
Aıta keteıik, Qazaqstan quramasy taekvondodan Ońtústik Koreıada ótken týrnırde alty medal jeńip aldy.