Qazaq balýany UWW reıtınginde kósh bastady

ASTANA. KAZINFORM – Erkin kúresten Qazaqstan komandasynyń úzdigi Azamat Dáýletbekov Birikken kúres áleminiń (UWW) jańartylǵan reıtınginde kósh bastady.

Ol osydan birer kún buryn kúres túrlerinen Bishkekte ótken Azııa chempıonatynda top jarǵan bolatyn. Osy jeńisinen keıin 52400 upaımen 86 keli salmaqta UWW reıtınginde birinshi orynǵa kóterilip, amerıkalyq Devıd Teılormen oryn aýystyrdy.

Azamat Dáýletbekov qatarynan úshinshi ret Azııa chempıony atanyp otyr. Odan bólek, Dáýletbekov 2022, 2023 jylǵy álem chempıonattarynyń qola júldegeri.

86 keli salmaqtyń alǵashqy bestigine engen balýandar:

1-oryn - Azamat Dáýletbekov – 52400 upaı (Qazaqstan)

2-oryn - Devıd Teılor – 45000 (AQSh)

3-oryn - Maıls Nazem – 44000 (San-Marıno)

4-oryn - Hasan ıAzdanı – 37000 (Iran)

5-oryn - Djabraıl Shapıev – 33000 (Ózbekstan)

Erkin kúresten Qazaqstan komandasynyń taǵy bir ókili Rızabek Aıtmuhan 92 keli salmaqtaǵy álemdik reıtıngte ekinshi orynǵa turaqtasa, Bishkekte saryqurlyq dodasynyń qola júldeger atanǵan Meırambek Qartbaı (57 kg) tórtinshi orynǵa kóterildi.