Qaı óńirdiń turǵyndary uzaq ómir súredi

ASTANA. KAZINFORM — 2024 jyly qazaqstandyqtardyń ómir súrý uzaqtyǵy artty. Bul týraly Ulttyq statıstıka bıýrosynyń baspasóz qyzmeti habarlady. 

— 2024 jyly Qazaqstan Respýblıkasy halqynyń ómir súrý uzaqtyǵy 75,44 jas, bir jyl buryn bul kórsetkish 75,09 jyl deńgeıinde bolǵan. Qalada turatyn adamdar aýyldyq jerge qaraǵanda uzaq ómir súredi, sáıkesinshe 76,14 jáne 74,26 jas, — delingen habarlamada.

Genderlik turǵydan alǵanda, 2024 jyly áıelder 79,42 jasqa deıin jasasa  (2023 j. — 79,06), erler arasynda 71,33 jas (2023 j. — 70,99 jas).

Ulttyq statıstıka bıýrosynyń málimetinshe Almatyda turatyn adamdar uzaq jasaıdy eken  — 78,78 jas, kerisinshe bul kórsetkish  Ulytaý oblysynda tómen ekendigin kórýge bolady  — 72,48  jas.

Aıta ketelik TMD ishinde Qazaqstan eń baqytty el retinde tanylǵan edi.