ShQO-nyń Katonqaraǵaı aýdanyna qyrkúıekte qar tústi
KATONQARAǴAI. KAZINFORM – Shyǵys Qazaqstan oblysynyń turǵyndary Katonqaraǵaı aýdanynyń taýlarynda sırek kezdesetin jaǵdaıdyń kýási boldy. Munda qyrkúıek aıynda qar tústi.
Kýágerlerdiń aıtýynsha, Burhat shatqaly birneshe táýlikten beri qar jamylyp jatyr.
-Úsh-tórt santımetrge jýyq qar jaýdy. Qar Sarymsaqty men Tarbaǵataı jotalaryna jaýǵan. Bizdiń jaqta mundaı jaǵdaı qyrkúıektiń ózinde bolyp turady. Al týrıster úshin úsh aı jazdan keıin birden qardy kórý óte qyzyq,- dedi týrıstik kompanııa dırektorynyń orynbasary Aıdar Elýbaev.
Katonqaraǵaı ulttyq parki aýa temperatýrasynyń kúrt ózgerýimen jáne landshafttyń áralýandylyǵymen tanymal. Týroperatorlar munda kúzde altyn tústes japyraqtardyń qar basqan shyńdardy árlendirip turatynyn aıtady. Bul óz kezeginde taýlardy týrıster úshin óte tartymdy etedi.
Osyǵan deıin Katonqaraǵaıda qonaqúı tapshylyǵy máselesi ózektiligin joımaı turǵany týraly jazdyq.
