Katonqaraǵaı aýdanyna áýejaı qashan salynady
ÓSKEMEN. KAZINFORM – Shyǵys Qazaqstan oblysyndaǵy Katonqaraǵaı jáne Zaısan aýdandaryna áýejaı salynbaq.
ShQO Jolaýshy kóligi jáne avtomobıl joldary basqarmasynyń málimetine súıensek, Katonqaraǵaı jáne Zaısan aýdandarynda áýejaı salynatyn jer tańdaldy. Áýejaılardyń ushý-qoný jolaǵynyń uzyndyǵy keminde 2 000 metr bolady.
«Qurylys jumystary jospar boıynsha 2025 jyldyń sońyna qaraı aıaqtalady. Qazir jergilikti atqarýshy organdar tıisti jer alqabyn bólý jaǵyn qarastyryp jatyr. Katonqaraǵaı aýdany boıynsha jer ýchaskesi Soldatovo aýylynyń mańynan tańdaldy. Zaısan aýdany boıynsha burynǵy áskerı aerodrom orny qolaıly sanaldy», - deıdi basqarma basshysynyń orynbasary Qýanysh Akramov.
Áýejaılar qurylysyna qansha qarajat jumsalatyny áli belgisiz.
Eske salsaq, Memleket basshysy Qasym-Jomart Toqaev «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty Joldaýynda Katonqaraǵaı men Kendirlige áýe qatynasyn retteýdi tapsyrǵan.
