Qatar-2022: V tobynyń úzdigi kim bolady

ASTANA. QazAqparat - Qatarda ótip jatqan fýtboldan 2022 jylǵy álem chempıonatynda 29 qarashada V tobynda úshinshi týr oıyndary bastalady, dep habarlaıdy QazAqparat tilshisi.

Atalǵan toptaǵy eki oıyn da elorda ýaqytymen 1:00-de bastalady.

Bul topta barlyq quramanyń jarysty jalǵastyrýyna múmkindigi bar. Eki týrdan keıin Anglııanyń - 4, Irannyń - 3, AQSh-tyń - 2, Ýelstiń 1 upaıy bar.

Ýels pen Anglııa kezdesýi «Qazaqstan» telearnasynan tikeleı efırde kórsetiledi.

Oıyn Al-Raıan qalasyndaǵy 45032 jankúıerge arnalǵan «Ahmed bın Alı» stadıonynda bolady. Bas tóreshi - slovenııalyq Slavko Vınchıch.

Eki qurama buǵan deıin 103 márte kezdesti. Onyń 14-de Ýels, 68-de Anglııa jeńiske jetse, qalǵanynda teń nátıje tirkeldi.

Bul toptaǵy Iran men AQSh oıynyn da jankúıerler «Qazsport» telearnasynan tamashalaı alady.

Oıyn el astanasy Doha qalasyndaǵy 44400 jankúıerge arnalǵan «El-Týmama» stadıonynda ótkiziledi. Bas tóreshi - ıspanııalyq Antonıo Laos.

Eki qurama buǵan deıin eki márte kezdesti. 1998 jylǵy álem chempıonatynda Iran atalǵan qarsylasyn 2:1 esebimen súrindirse, 2000 jyly joldastyq kezdesýde 1:1 esebi tirkeldi.

Eske salsaq, G tobynda Kamerýn men Serbııa 3:3 esebimen teń tússe, Brazılııa Shveıtsarııadan 1:0 esebimen basym tústi.

Sondaı-aq, H tobynda Gana Ońtústik Koreıany 3:2, Portýgalııa Ýrýgvaıdy 2:0 esebimen jeńdi.

Foto:tructiephomnayy.blogspot.com