Qazaqstanda statıstıka salasyna arnalǵan AI-kómekshi iske qosyldy
ASTANA. KAZINFORM — Ulttyq statıstıka bıýrosy «AI Stat» vırtýaldy kómekshisin iske qosty.
Vedomstvonyń baspasóz qyzmeti málim etkendeı, jasandy ıntellektke negizdelgen servıs statıstıkamen jumysty jeńildetip, derekterdi tabýǵa, eseptilikti túsinýge jáne bıýro qyzmetterin baılanys ortalyǵyna júginbeı paıdalanýǵa kómektesedi.
Kómekshi dıalog formatynda jumys isteıdi, eseptilik boıynsha keńes beredi, nysandardy toltyrýǵa kómektesedi jáne qateler qaýpin azaıtady.
Sondaı-aq ol aqparatty izdeýdi jáne servıster boıynsha navıgatsııany, sonyń ishinde Respondent kabınetinde jumys isteýdi jeńildetedi.
— Sonymen qatar, «AI Stat» BSN nemese JSN boıynsha mindetti statıstıkalyq nysandardyń («Júgirtpe») tizimin qalyptastyrady, qyzmet túrin tańdaýda EQJJ kodtaryn irikteıdi jáne qajet bolǵan jaǵdaıda baılanys ortalyǵyna suraý jiberedi. Bul jumysty jedeldetip, kúndelikti protsesterdi avtomattandyrady, — deıdi mamandar.
Budan buryn Qazaqstan jahandyq statıstıkalyq komıssııa quramyna engenin jazǵanbyz.
