Qatar-2022: Úzdik on oıynshynyń esimi jarııalandy

ASTANA. QazAqparat - Goal basylymy Qatarda ótip jatqan fýtboldan 2022 jylǵy álem chempıonatynyń shırek fınalynan keıin úzdik 10 oıynshynyń esimin usyndy, dep habarlaıdy QazAqparat tilshisi.

Basylym nusqasy boıynsha Argentına quramasynyń shabýylshysy Lıonel Messı úzdikter kóshin bastap otyr. Dúbirli dodanyń bes oıynynda ol tórt gol soqsa, golǵa aınalǵan eki pas berip úlgerdi.

Al ekinshi jáne úshinshi oryndarda Frantsııa quramasynyń shabýylshylary Frantsıı Kılıan Mbappe men Antýan Grızmann tur.

Úzdik ondyqqa ilikken oıynshylar tómendegishe:

Lıonel Messı (Argentına)

Kılıan Mbappe (Frantsııa)

Antýan Grızmann (Frantsııa)

Domınık Lıvakovıch (Horvatııa)

Ashraf Hakımı (Marokko)

Brýný Fernandesh (Portýgalııa)

Sofıan Amrabat (Marokko)

Rısharlıson (Brazılııa)

Kodı Gakpo (Nıderlandy)

Djýd Bellıngem (Anglııa).

Atalǵan oıynshylardyń altaýy áli chempıondyqqa talasqa túsýge múmkindigi bar.

Eske salsaq, endi 13 jeltoqsanda ótetin jartylaı fınalda Argentına jáne Horvatııa, 14 jeltoqsanda Marokko men Frantsııa quramalary kezdesedi.

Aıta ketsek, Marokko – álem chempıonatynyń 1/2 fınalyna shyqqan alǵashqy afrıkalyq qurama boldy.