Qatar-2022: Horvatııa Kanadanyń osal tusyn taba ala ma

ASTANA. QazAqparat - Qatarda ótip jatqan fýtboldan 2022 jylǵy álem chempıonatynyń segizinshi oıyn kúninde, 27 qarashada F tobynda ekinshi týr oıyndary ótedi, dep habarlaıdy QazAqparat tilshisi.

Bul toptaǵy Belgııa men Marokko kezdesýi 19:00-de «Qazsport» telearnasynan tikeleı efırde kórsetiledi.

Oıyn el astanasy Doha qalasyndaǵy 44400 jankúıerge arnalǵan «El-Týmama» stadıonynda ótkiziledi.

Bas tóreshi - meksıkalyq Sesar Artýro Ramos. oǵan otandastary Alberto Morın Mendes pen Mıgel Anhel Ernandes Paredes kómekshilik jasaıdy. Qosalqy tóreshi - Esımı ıAmasıta.

Eki qurama buǵan deıin úsh márte kezdesti. Onyń ekeýinde belgııalyqtar jeńiske jetse, bireýinde marokkolyq fýtbolshylardyń mereıi ústem boldy.

Atalǵan toptaǵy Horvatııa men Kanada oıyny elorda ýaqytymen 22:00-de «Qazaqstan» men «Qazsport» telearnalarynan tikeleı efırde kórsetiledi.

Kezdesý el astanasy Doha qalasyndaǵy 45857 adamǵa arnalǵan «Halıfa Interneıshnl» stadıonynda ótkiziledi.

Bas tóreshi ýrýgvaılyq Andres Matonte. Oǵan otandastary Nıkolas Taran men Martın Soppı kómekshilik jasaıdy. Qosalqy tóreshi - perýlik Kevın Ortega.

Eki qurama óz tarıhynda tuńǵysh márte kezdesedi.

Alǵashqy týrda Belgııa kanadany jeńse, Marokko men Horvatııa teń tústi.

Aıta ketsek, atalǵan topta ekinshi týrda S tobynda Polsha Saýd Arabııasyn, Argentına Meksıkany tize búktirdi.

Eske salsaq, D tobynda ekinshi týrda Frantsııa quramasy Danııadan basym tússe, Aýstralııa Týnısti jeńip ketti.

Foto: sportskeeda.com