Kaspııden Atyraýǵa shańdy daýyl soqty
ATYRAÝ. KAZINFORM – Kaspıı teńiziniń taıaz bóliginen Atyraý qalasyna shańdy daýyl soǵyp tur. Bul týraly oblystyq ekologııa departamenti málimdedi.
- «Qazgıdromet» RMK málimetine sáıkes, jeldiń jyldamdyǵy sekýndyna 10–13 metrge deıin jetedi. Jel ońtústik-shyǵys baǵyttan, teńiz jaǵynan soǵyp jatyr. Aýa sapasyn baqylaıtyn monıtorıng stantsııalarynda lastaýshy zattardyń shekti ruqsat etilgen mólsherden asýy tirkelmegen. Atyraý oblysy Tótenshe jaǵdaılar departamenti jáne Aqjaıyq memlekettik tabıǵı rezervaty usynǵan aqparatqa sáıkes, qazirgi ýaqytta oblys aýmaǵynda órt oshaqtary anyqtalmaǵa, - dep habarlady ekologııa departamenti.
Ekologter shańdy daýyl kezinde asa qajettilik bolmasa, turǵyndarǵa úıde bolýdy usynady.
Vedomstvo ókilderiniń habarlaýynsha, atmosferalyq aýanyń sapasyna turaqty túrde monıtorıng júrgizilip jatyr.
Buǵan deıin Atyraýda 600 myń gektarǵa jýyq jer memleket menshigine qaıtarylǵany týraly jazdyq.
