Kaspııde áskerı kemeler sherýi ótti
AQTAÝ. KAZINFORM – 1996 jylǵy 17 tamyzda Aqtaýda Qazaqstan Qarýly kúshteriniń Áskerı-teńiz týy alǵash ret kóterilgen bolatyn. Bul tarıhı oqıǵa elimizdiń Áskerı-teńiz kúshterin qurýdaǵy mańyzdy qadam bolyp sanalady.
Osy kúnniń 29 jyldyǵyna oraı Aqtaýdaǵy amfıteatrdyń ashyq alańynda saltanatty shara ótti. Іs-sharaǵa áskerı qolbasshylyq, Aqtaý garnızonynyń áskerı qyzmetshileri, jergilikti atqarýshy bılik ókilderi, Qarýly kúshterdiń ardagerleri, qala turǵyndary men qonaqtar qatysty.
– Búgin biz Kaspıı teńiziniń qazaqstandyq sektorynda ulttyq múddemizdi qorǵaýdy qamtamasyz etetin Áskerı-teńiz kúshteriniń irgetasyn qalaǵan tarıhı oqıǵany atap ótýdemiz. Qazirgi býyn áskerı qyzmetshiler alǵashqy teńizshiler salǵan dástúrlerdi baǵalap, Áskerı-teńiz kúshteriniń jaýyngerlik áleýetin arttyrý men halyqaralyq yntymaqtastyqty nyǵaıtý jolynda qyzmet etýde, – dedi ol.
Іs-sharaǵa 2000-nan astam qala turǵyny men qonaqtar jınaldy. Olar teńiz jaıaý áskerleri, arnaıy jasaqtary men avıatsııa bólimsheleriniń kórsetilimderin tamashalady. Áskerı qyzmetshiler jaýyngerlik daıarlyq elementterin, desant qoný kezindegi taktıkalyq is-qımyldardy jáne qoıan-qoltyq urys tásilderin kórsetti.
Merekeniń sharyqtaý shegi – Kaspıı teńizindegi Áskerı-teńiz kúshteri kemeleriniń sherýi men Aqtaý garnızony jeke quramynyń saltanatty sap túzeýi boldy.
Sonymen qatar zamanaýı teńiz tehnıkasynyń, qarý-jaraq pen jabdyqtardyń kórmesi uıymdastyryldy. Іs-shara áskerı orkestr men Áskerı-teńiz kúshteriniń shyǵarmashylyq ujymy qatysqan merekelik kontsertpen aıaqtaldy.
Aıta keteıik, Qazaqstan quramasy áskerıler arasynda qazaq kúresinen álem chempıony atandy.