4 mamyrda aýa raıyna baılanysty birqatar óńirde eskertý jarııalandy
ASTANA. KAZINFORM – Qazgıdromet 4 mamyrǵa Qazaqstan aýmaǵyndaǵy sınoptıkalyq jaǵdaı men qaýipti aýa raıy qubylystary týraly boljamdaryn usyndy.
Boljamǵa sáıkes, dúısenbi kúni Qazaqstannyń kóp bóliginde jańbyr jaýyp, naızaǵaı oınaıdy, burshaq túsýi múmkin, sondaı-aq ekpindi jel soǵady. Eldiń ońtústik jáne ońtústik-shyǵysyndaǵy taýly jáne taý bókterindegi aımaqtarda qatty jańbyr jaýýy yqtımal.
Shyǵys óńirlerde jaýyn-shashynsyz aýa raıy saqtalady.
Respýblıka boıynsha jeldiń kúsheıýi kútiledi. Ońtústikte shańdy daýyl, al batys pen ońtústik-shyǵysta túngi jáne tańǵy saǵattarda tuman túsedi.
Túnde Soltústik Qazaqstan oblysynyń soltústiginde jáne Aqmola oblysynyń shyǵysynda aýa temperatýrasy 1 gradýsqa deıin úsik bolýy múmkin.
Aqmola oblysynyń ońtústik-shyǵysynda, Pavlodar oblysynyń batysy, soltústigi men shyǵysynda, Jambyl oblysynyń soltústigi men ortalyǵynda, Qaraǵandy oblysynyń batysy, soltústigi jáne ońtústiginde, Aqtóbe oblysynyń ońtústiginde, Shyǵys Qazaqstan oblysynyń batysy men soltústik-batysynda, Soltústik Qazaqstan oblysynyń batysynda, Qyzylorda oblysynyń shyǵysy, ońtústigi jáne ortalyǵynda, Abaı oblysynyń ońtústigi, shyǵysy, ortalyǵy men soltústik-batyǵynda, Jetisý oblysynyń batysy men soltústiginde, Ulytaý oblysynyń shyǵysy men ortalyǵynda, Almaty oblysynyń soltústiginde joǵary órt qaýpi saqtalady.
Sonymen qatar Jetisý oblysynyń ońtústik-shyǵysy men ońtústiginde tótenshe órt qaýpi bar.
Eske salsaq, buǵan deıin «Qazgıdromet» RMK 2026 jylǵy 2-4 mamyrǵa arnalǵan aýa raıy boljamyn usynǵan bolatyn.
