Kaspıı jaǵasynda keme zaýyty salynady

Kólik mınıstrligi Ónerkásipti damytý qory arqyly keme óndirisin qolǵa almaqshy, dep habarlaıdy Kazinform. 

Kólik mınıstri Marat Qarabaev Úkimet otyrysynda osyndaı derek aıtty.

«Qazirgi tańda «QazaqstanTeńizFloty» kompanııasy kemelerdiń jańa modelin jobalaýda. Ol jobalardy Ónerkásipti damytý qory arqyly qarjylandyrý múmkindigi qarastyrylady. Keme zaýytynyń óndirisin bastapqy kezeńde Kaspıı jaǵalaýynda ornalasqan nysandardyń bazasynda bastaý josparlanyp otyr. Atap aıtqanda, metall qurastyrý jumystaryn júrgizýge múmkindigi bar «ErSaı» kompanııasynyń áleýetin qoldaný qarastyrylǵan», - dedi mınıstr.

Onyń sózinshe, jobany iske asyrýǵa «YDA», «Asfat» jáne «ADP» kompanııalary qyzyǵýshylyq tanytyp otyr.

«Oǵan qosa, 150-den astam kemeni jóndeý qajet. Olar da osy otandyq keme zaýytynda jóndeýden ótedi», - dedi Marat Qarabaev.