Kaspıı teńizinde jer silkindi

ASTANA. KAZINFORM – 3,4 magnıtýdalyq jer silkinisi jergilikti ýaqyt boıynsha saǵat 21:18-de tirkelgen, dep habarlaıdy AZERTADJ. 

Bul týraly Ázerbaıjannyń Ulttyq akademııasy janyndaǵy Respýblıkalyq seısmologııalyq qyzmet ortalyǵy habarlady.

Zilzalalardy zertteý bıýrosynyń málimetteri boıynsha, jer silkinisiniń oshaǵy 70 km tereńdikte jatyr.

Osyǵan deıin 27 sáýirde Kaspıı teńizinde taǵy jer silkingen edi. Ol kezde onyń magnıtýdasy 3,6 shamasynda bolǵan.

Aıta keteıik, tórt kún buryn Grekııada jer silkinip, jerasty dúmpýleriniń kúshi 6,1 baldy qurady. Jer silkinisi Dodekaneste sezildi. Artynsha elde tsýnamı qaýpi týraly eskertý jarııalandy.