Kaspıı teńizinde taǵy da jer silkinisi tirkeldi
ASTANA. KAZINFORM — Kaspıı teńizinde jer silkinisi boldy. Mamandardyń málimetinshe, jer asty dúmpýleriniń oshaǵy 27 shaqyrym tereńdikte ornalasqan.
Operativmm basylymynyń habarlaýynsha, bul týraly 2026 jylǵy 2 mamyrda Ázerbaıjan Ulttyq ǵylym akademııasy janyndaǵy Respýblıkalyq seısmologııalyq qyzmettiń Jer silkinisterin zertteý bıýrosy habarlaǵan.
Mamandardyń deregine sáıkes, jer silkinisi jergilikti ýaqyt boıynsha saǵat 09:50-de tirkelgen. Onyń magnıtýdasy 3,0 bolǵan, al oshaǵy 27 shaqyrym tereńdikte ornalasqan.
Aıta keteıik, Kaspıı óńiri seısmıkalyq belsendi aımaq bolyp sanalady jáne munda jer qyrtysynyń ártúrli deńgeıdegi dúmpýleri jıi tirkelip turady.
Sońǵy ret qazaqstandyq seısmologtar Kaspıı teńizindegi jer silkinisin 15 sáýirde tirkegen bolatyn.
Al Ázerbaıjan Ulttyq ǵylym akademııasy janyndaǵy Respýblıkalyq seısmologııalyq qyzmet ortalyǵy 26 sáýir kúni Kaspıı teńizinde magnıtýdasy 4,2 bolatyn jer silkinisi tirkedi.
