Qashaǵan shyǵynyn merdiger kompanııa kóteredi
«Kelisim boıynsha Qashaǵan ken ornynyń iske qosylmaǵandyǵy úshin árbir toqsan saıyn kompanııalar 30 mln. dollar el Úkimetine tólep turady. Bul aıyppul sol qalpynda turady. Onyń ústine qaıta jóndeý, qubyrlardy qaıta salý jumystarynyń bári Qazaqstan munaıynyń baǵasymen ótelmeıdi, kerisinshe merdigerlerdiń óz moınyna túsedi», - dedi Uzaqbaı Qarabalın.
Eske sala keteıik, Qashaǵan kenin ıgerý barysynda gaz jáne munaı qubyrlarynyń qosylǵan tusynda jaryqshaq paıda bolyp, ıgerý jumysy toqtatylǵan edi. Mınıstrdiń málimetine qaraǵanda, bul dánekerleý tehnologııasynyń durys tańdalmaýynan nemese ony oryndaýshylardyń tehnologııany durys atqara almaǵandyǵynan bolýy yqtımal. Al merdigerlerdiń qubyrdyń ishki jaǵyna jasaǵan dıagnostıkasy munaı jáne gaz qubyry tolyǵymen aýystyrýdy qajet etetindigin anyqtady. Bul rette eki qubyrdy tolyǵymen aýystyrý úshin qosymsha 200 shaqyrymdyq qubyrlar satyp, ony tóseý jumystary atqarylatyn bolady.
