Qasaqana órteý: Kókshetaýda órt kezinde eki gaz ballony jaryldy
ASTANA. KAZINFORM — Búgin Aqmola oblysynyń ortalyǵynda eki páterli jeke turǵyn úıde órt bolǵan. Bul týraly TJM málim etti.
— Órttiń jalpy aýdany 120 sharshy metrdi qurady. Órt sóndirý jumystary órt sóndirý bólimsheleri kelgenge deıin eki gaz ballonynyń jarylýymen qıyndap, bul jalynnyń tez taralýyna sebep boldy. Órt shaqyrtý túsken sátten bastap 40 mınýt ishinde sóndirildi. Órtti sóndirý barysynda taǵy eki gaz ballony shyǵaryldy, — delingen habarlamada.
Vedomstvonyń málimetinshe, zardap shekkender joq. Órttiń aldyn ala sebebi qasaqana órteý bolýy múmkin.
Buǵaan deıin SQO-da 42 jastaǵy áıel ózin órtep, aýyr kúıikpen aýrýhanaǵa jetkizilgenin jazdyq.
