Qarın: «Taza Qazaqstan» jańa deńgeıge kóteriledi: tyń jobalar ázirlenip jatyr
ASTANA. KAZINFORM — Prezıdent tapsyrmasyna sáıkes, «Taza Qazaqstan» jalpyulttyq bastamasy jańa ıdeıalarmen jáne tyń jobalarmen tolyqtyrylady. Bastama aıasyndaǵy barlyq is-sharany biryńǵaı júıege biriktirý kózdelgen. Bul týraly Vıtse-Prezıdent Erlan Qarın jazdy.
— Memleket basshysy Qasym-Jomart Toqaev Qazaqstan Halyq Keńesiniń alǵashqy sessııasynda «Taza Qazaqstan» bastamasyn jańa mazmunmen, jańa ıdeıalarmen, kreatıvti jobalarmen tolyqtyrýdy tapsyrǵan bolatyn. Búgingi tańda Prezıdent tapsyrmasyn iske asyrý úshin jan-jaqty jumys júrgizilip jatyr. Jalpyulttyq bastamany sapalyq turǵydan jańa deńgeıge kóterý maqsatynda jańa jobalar ázirlenip jatyr. Búgin sol jobalarmen keńinen tanystyq. «Taza Qazaqstan» aıasyndaǵy barlyq is-sharalar men jobalar ózara úılestiriletin ortaq júıege biriktiriledi, — dedi ol.
