Qarın ál-Farabı, Abaı jáne ıAsaýı murasyn bilim berý júıesine engizý qajettigin aıtty

— Qazaqstan — kóne memleketter men alyp ımperııalardyń mekeni ǵana emes, biregeı dala órkenıetiniń de altyn besigi sanalady. Uly Dalada memlekettiliktiń tereń dástúri qalyptasty. Іri mádenıetter men dúnıetanymdar túıisti. Ǵylym men ónerdiń, rýhanııat pen oı-pikirdiń ózindik mektebi paıda boldy. Sol zııatkerlik áleýettiń eń jarqyn dáleli — adamzat oıynyń damýyna ólsheýsiz úles qosqan uly tulǵalarymyz ekeni anyq, — dep jazdy ol.

Osy oraıda ál-Farabı, Júsip Balasaǵun, Qoja Ahmet ıAsaýı, Abaı, Shákárim, Máshhúr Júsip sııaqty ǵulamalardy erekshe atap ótetinin jetkizdi.

— Sondyqtan olardyń ıdeıalary bilim berý mazmunyna, gýmanıtarlyq zertteýlerge, qoǵamdyq pikirtalasqa, jastar tárbıesine keńinen engizilýi qajet. Buǵan Memleket basshysynyń aıryqsha mán berip, búgingi halyqaralyq ál-Farabı sımpozıýmyn ótkizýge bastamashylyq etkeni de sondyqtan, — dedi Vıtse-premer.

Eske sala keteıik, Erlan qarın Almatydaǵy Ábý Nasyr ál-Farabıdiń fılosofııalyq jáne ǵylymı murasyna arnalǵan «Fılosofııa. Etıka. Bolashaq» atty halyqaralyq sımpozıýmǵa qatysqan Vıtse-prezıdent Erlan Qarın aýqymdy ári mańyzdy ǵylymı is-shara eki jylda bir ret turaqty túrde uıymdastyrylatynyn aıtqan bolatyn.