«Qaratóbe óńirinde» - jańa redaktor

ASTANA. QazAqparat - Batys Qazaqstan oblysy Qaratóbe aýdanynyń ákimi Ashat Shaharovtyń kelisimimen «Jaıyq Press» JShS-nyń bas dırektory Jantas Safýllınniń №50 buıryǵy negizinde «Jaıyq Press» JShS Qaratóbe aýdandyq fılıaly - «Qaratóbe óńiri» gazetiniń dırektor-redaktory qyzmetine Ertaı Saǵyndyquly Bımuhanov taǵaıyndaldy.

Jańa basshyny «Qaratóbe óńiri» gazeti redaktsııasy ujymyna tanystyrǵan aýdan ákimi Ashat Shaharov oǵan aldaǵy ýaqytta shyǵarmashylyq tabys tiledi. Elbasy saıasatyn, memlekettik baǵdarlamalar aıasyndaǵy ońdy isterdi nasıhattaý, óńir tarıhy men mádenıeti týrasynda tyń serpinmen qyzmet etýge shaqyrdy.
Bımuhanov Ertaı Saǵyndyquly alǵash eńbek jolyn 1995-2000 jyldary Muhıt atyndaǵy Qaratóbe orta mektebiniń qazaq tili men ádebıeti pániniń muǵalimi bop bastaǵan. 2000-2003 jyldary aýdandyq bilim berý bóliminiń tárbıe jónindegi ádiskeri, 2003-2005 jyldary Qaratóbe balalar men jasóspirimder saıahaty jáne ekologııa ortalyǵy dırektorynyń orynbasary, 2005-2006 jyldary Qaratóbe mektep-gımnazııasy dırektorynyń orynbasary, 2006-2008 jyldary aýdandyq «Qaratóbe óńiri» gazetiniń bas redaktorynyń orynbasary, 2008-2013 jyldary «Jaıyq Press» JShS Qaratóbe fılıaly dırektory qyzmetterin atqardy. 2013 jyldan kúni búginge deıin jýrnalıst.
Jańa basshyny quttyqtap sóz sóılegen oblystyq «Oral óńiri» gazetiniń bas redaktorynyń orynbasary Syrymbek Tuıaqov E.Bımuhanovqa tolaıym tabys, shyǵarmashylyq jetistik tiledi. Aýdan basshysy Ashat Shaharov buǵan deıin redaktorlyq qyzmet atqarǵan Nurlan Meńdeshovke alǵysyn jektizdi. Al, fılıal dırektorlyǵyna taǵaıyndalǵan Ertaı Bımuhanov bolsa, «halyqtyń tili, qulaǵy hám tili» gazet abyroıyn kóterýde aıanbaı eńbek etetindigin tilge tıek etti.