«Qarasora-2020»: Tarazda 3 qap esirtki tárkilendi
Aǵymdaǵy jyldyń 23 qazanynda «Qarasora-2020» jedel-aldyn alý is-sharasyn ótkizý barysyndaǵy jedel aqparat boıynsha Taraz qalasynyń avtobeketi janynda polıtsııa qyzmetkerleri «Mıtsýbısı» markaly avtokóligin toqtatyp, teksergen. Bul týraly oblystyq polıtsııa departamentiniń baspasóz qyzmeti habarlady.
«Kóliktiń júksalǵyshyn tekserý kezinde osy kóliktiń jolaýshylaryna tıesili jalpy salmaǵy 34 keli 760 gramm bolatyn «keptirilgen marıhýana« esirtki zaty salynǵan 3 qapty taýyp tárkiledi. QR QK 297-babynyń 3-bóligi boıynsha sotqa deıingi tergeý amaldary bastaldy»,-delingen habarlamada.
Ustalǵan 53 jastaǵy Taraz qalasynyń turǵyny men Merki aýdanynyń 65 jastaǵy turǵyny óz kinálaryn moıyndaǵan. Taraz qalasynyń ýaqytsha ustaý ızolıatoryna qamaqqa alynǵan.