Karantın: Elordada qandaı tyıymdar kúshine enedi

NUR-SULTAN. QazAqparat – Elordada Bas memlekettik sanıtarlyq dáriger «Shekteý jáne karantın sharalaryn qatańdatý týraly» óziniń jańa qaýlysynda Naýryz meıramyna oraı buqaralyq is-sharalar ótkizýge tyıym salynǵanyn atap ótti. Bul tyıym otbasylyq jáne eske alý sharalaryna da qatysty, dep habarlaıdy QazAqparat tilshisi.

Qalada Naýryz merekesine oraı qalalyq buqaralyq is-sharalardy (kontsertter, ulttyq oıyndar, tamaqtandyrýdy uıymdastyrý, taýarlardyń barlyq túrleriniń saýdasy, aktsııalar jáne t.b.) ótkizýge tyıym salynady.

Tikeleı efırde telebaǵdarlamalardy jazý jáne ótkizý kezinde kórermenderdiń stýdııalarǵa qatysýyna tyıym salynady. Kınoteatrlar, kınorýmdar, bılıard, karaoke, túngi klýbtar, batýttar, býkmekerlik keńseler men oıyn klýbtarynyń jumysyna, onyń ishinde sport obektilerinde ornalasqandardy qospaǵanda, jabyq úı-jaılardaǵy lotereıalar, oıyn alańdary men attraktsıondar, onyń ishinde muz jáne rolıkti muz aıdyndary jumysyna, jabyq úı-jaılarda da, ashyq aýada da (Demalys kúngi azyq-túlik jármeńkelerin qospaǵanda) túrli jármeńkeler ótkizýge tyıym salynady.

Sonymen birge, ornalasqan jerine qaramastan, tamaqty jetkizý men shyǵarýǵa arnalǵan jumysyn qospaǵanda, fýdkort, banket jáne saltanatty zaldardyń jumysyna tyıym salynady.

Otbasylyq, eske alý sharalaryn, merekelik korporatıvterdi qosa alǵanda, buqaralyq is-sharalardy, onyń ishinde úıde, forýmdardy, konferentsııalardy, semınarlardy, jınalystardy, tyńdaýlardy, kórmelerdi, aktsııalardy, shoýrýmdardy, utys oıyndaryn (onlaın formatty qospaǵanda) jáne basqalardy ótkizýge ruqsat berilmeıdi.

Jalpy bilim beretin mektepter janyndaǵy qosymsha bilim berý nysandarynyń (túrli úıirmeler), onyń ishinde mektep janyndaǵy lagerlerdiń qyzmetine tyıym salynady.

Aıta keteıik, elordanyń bas sanıtary qaýlysynda menshik nysanyna jáne shtattyq sanyna qaramastan barlyq uıymdar, kásiporyndar qyzmetkerleriniń keminde 80% qashyqtan jumys isteýge kóshetini aıtylǵan.

Sonymen birge, Nur-Sultanda saýda oryndary men bazarlardyń jáne birqatar nysannyń jumysyn uıymdastyrý talaptary túsindirildi.