Qaraǵandylyqtar Jeńis kúnin atap ótti
Keńes sarbazdarynyń erligin eske alý úshin áskerı qyzmetshiler men bılik ókilderi memorıalǵa gúl shoqtaryn qoıdy.
Qaza tapqan jaýyngerlerdi Qaraǵandy oblysynyń ákimi Jeńis Qasymbek eske aldy.
Máńgilik alaý aldyndaǵy alańǵa aýǵan soǵysynyń jaýyngerleri de jınaldy.
«Bul bizdiń atalarymyz ben ákelerimizdiń Uly Jeńisi. Olar - bizge bostandyq syılaǵan ardaqty jandar. Jer betinde soǵys bolmasyn! Bizdiń balalar beıbit álemde ómir súrýi kerek», – deıdi «Ardager» aýǵan soǵysy ardagerleri men múgedekteri odaǵynyń tóraǵasy Talǵat Hasenov.
Árbir otbasynda derlik soǵyspen baılanysty sátter men estelikter bar. Ár qaraǵandylyqtyń qaıǵy-qasireti esinde.
«Meniń bir atam Berlınge deıin jetken, ekinshisi Stalıngrad túbinde qaza tapty. Bul - búkil eldiń erligi edi. Men úshin Jeńis kúni - bizge ómir, beıbitshilik pen erkindik syılaǵandardy eske alatyn kún», – deıdi Evgenıı Ermashev.
«Otbasymyzben keldik, nemerelerimiz de, shóberelerimiz de osynda. Olar atalarymyzdyń portretin ala keldi. Onyń biri soǵystan oralmaı, maıdanda qaza tapty. Ekinshisi úıge oralyp, ákemizdi tárbıeledi. Búkil otbasymyz Jeńis kúnin qadir tutady. Qazaqstandyqtarǵa bir ǵana nárse aıtqym keledi - batyrlardyń erligin umytpańyzdar!», – deıdi Nurbek Rahymjanov.
«Men búkil soǵys qurbandary men atamdy eske alýǵa keldim. Ol Lıtvada urys kezinde mert boldy. Komandırin qutqardy. Bul týraly maǵan týystary aıtyp berdi, sodan keıin men «Halyq esteligi» («Pamıat naroda») saıtynan aqparat taptym. Barshańyzdy osy uly kúnmen quttyqtap, beıbitshilik, myqty densaýlyq, amandyq jáne sáttilik tileımin!», – deıdi Natalıa Komarova.
Qaraǵandy oblysynda Uly Otan soǵysynyń 24 ardageri turady.
