Qaraǵandyda alǵashqy qazaqstandyq ProductCamp ótti
Bul pikirles adamdar tsıfrlyq tehnologııalar men ınnovatsııalar salasyndaǵy ónimder men qyzmetter týraly ıdeıalarmen jáne paıdaly aqparatpen bólise alatyn klassıkalyq emes konferentsııa.
Іs-shara barlyq karantın talaptaryn saqtaı otyryp, onlaın jáne oflaın formatta ótti, dep habarlaıdy QazAqparat tilshisi.
Productcamp uıymdastyrýshysy Terrıkon alqaby boldy. Bul Qaraǵandyny Qazaqstannyń IT-astanasyna aınaldyrý boıynsha órshil joba bolyp tabylady.
«Biz IT, Digital, azyq-túlik baǵytyndaǵy, baǵdarlamalaýdaǵy, dızaındaǵy jáne basqa da salalardaǵy adamdardy damytýmen jáne qoldaýmen aınalysamyz. Bizdiń IT-habymyzda barynsha kóp mamandar men kásipkerler qoldaý taýyp, jumys isteýi úshin resýrstar jasaımyz», - dedi Terrıkon alqabynyń negizin qalaýshy Andreı Karabanov.
Konferentsııada birneshe spıker sóz sóıledi. Qaraǵandy oblysynyń aqparattandyrý, memlekettik qyzmet kórsetý jáne arhıvter basqarmasynyń basshysy Rýstam Baıjanov «Іt memlekettik damýy. Aımaqtan kózqaras» taqyrybyn ashty.
«ProductCamp - bul Qaraǵandynyń IT-qaýymdastyǵynyń ómirindegi serpindi qadam. Mundaı ıventterdiń paıdalylyǵyn tipti baǵalaý múmkin emes, sebebi kemptiń halyqaralyq deńgeıi bizdiń aqparatty tehnologııa ókilderine óz sheberlikterin orasan zor túrde arttyrýǵa múmkindik beredi. Aldaǵy ýaqytta biz Terrıkon alqaby jobasymen birge osy saladaǵy damý qarqynyn arttyrýdy josparlap otyrmyz», - dedi Rýstam Baıjanov.
Wooppay mobıldi qarjy qyzmetteri (IFC) baǵytynyń jetekshisi Artem Tımofeev «Úlken MFS teorııasy nemese men mobıldi qarjymen qalaı kezdestim» taqyrybynda oıymen bólisti.
«Bul óte aýqymdy is-shara jáne Qazaqstandaǵy alǵashqy ProductCamp Qaraǵandyda ótkeni óte keremet. Bolashaqta odan da aýqymdy jobalardy qabyldaýǵa múkindik beretin, salynyp jatqan IT-hab úshin bul jaqsy bastama dep oılaımyn», - dep óz áserimen bólisti Artem Tımofeev.
Alem school kompanııasynyń spıkeri SEO-maman Dagar Davletov IT-bilim berýdegi ınnovatsııa máselesin kóterdi.
Taǵy bir qyzyqty taqyrypty Okauto negizin qalaýshy jáne Mentek capital basqarýshy menedjeri Álı Shaıhıslam qozǵady. Ol aýdıtorııaǵa marketıngke ınvestıtsııasyz 1,3 mıllıon júkteýdi qalaı jasaý kerektigin aıtty.
Osy jyldyń sáýir aıynan bastap IT-habta ıventter turaqty negizde ótkiziletin bolady. Іs-sharalar týraly habarlandyrýlardy Terrıkon alqabyndaǵy Telegram nemese Instagram -da baqylaýǵa bolady.
Málimet úshin, ProductCamp – bul sandyq tehnologııalar men ınnovatsııalar salasynda túrli elderdiń kásipqoı mamandaryn biriktiretin, prodakt-menedjment boıynsha eń myqty komıýnıtı. Ónim menedjeri - ónimdi qurýǵa, naryqty taldaýǵa, assortıment saıasatyna, baǵa belgileýge, ónimdi jyljytýǵa jáne t. b. jaýapty maman.
