Qaraǵandy oblysynyń joldarynda 346 adam qutqaryldy
QARAǴANDY. QazAqparat – Ótken táýlikte Qaraǵandy oblysynyń avtojoldarynda 29 apattyq-qutqarý jumystary júrgizildi, dep habarlaıdy QazAqparat tilshisi.
Qutqarý is-sharalaryna TJ departamentiniń, Ulttyq ulannyń Jergilikti polıtsııa qyzmetiniń, jergilikti atqarýshy organdardyń kúshteri men quraldary, 89 adam men 46 tehnıka jumyldyryldy.
Qutqarý jumystary Osakarov, Nura, Jańaarqa, Abaı, Buqar jyraý, Qarqaraly, Shet aýdandarynyń, sondaı-aq Temirtaý qalasy mańyndaǵy joldarda júrgizildi.
220 adam, onyń ishinde 9 bala qutqaryldy, 126 adam evakýatsııalandy, onyń ishinde 3 bala jáne 58 avtokólik avtojoldardyń tazalanǵan ýchaskelerine shyǵaryldy.
Sonymen qatar, joldardy jabý beketterindegi kólik quraldarynyń júrgizýshileri men jolaýshylaryna jylytý beketterinde tamaqtandyrý uıymdastyrylyp, azyq-túlik taratyldy.
Avtojoldardy jabý/ashý, daýyldy eskertý, sabaqty toqtatý týraly aqparat «Darmen» mobıldik qosymshasynda qoljetimdi.
