Qaraǵandyda sý men jaryqtyń óshý sebebi anyqtaldy
ASTANA. KAZINFORM — Qaraǵandy qalasynda tańerteń sý toqtap qaldy. «Qaraǵandy sý» JShS ókilderi jaǵdaıǵa qatysty pikir bildirdi.
«Búgin, 2024 jylǵy 5 tamyzda saǵat 03:30 kezinde «2-aımaq» sorǵy stantsııasynda ortalyq dabyl qaǵyldy. Saǵat 05:17-de «Shyǵys» qosalqy stansasynan «2 aımaqtyq» sorǵy stantsııasynyń elektr qýaty tolyqtaı úzildi. Sorǵy stansasy ornalasqan №14 jáne 39 fıderlerdiń ekeýi de sónip qaldy. Saǵat 08:07-de №14 fıderden kerneý berildi. Sorǵy qondyrǵylary iske qosyldy», - dedi «Qaraǵandy sý» JShS bas energetıgi D.V.Kalınıchev.
Ol «Trýdovaıa» qosalqy stansasynan shyǵatyn rezervtik jelini retteý jáne ornatý jumystary «Qaraǵandy sý» JShS esebinen júrgizilip jatqanyn qosa aıtty. Bas energetıktiń aıtýynsha, bul 2-aımaqtaǵy sorǵy stantsııasyn elektrmen jabdyqtaý senimdiligin arttyrý úshin qosymsha eki kiris engizýge múmkindik beredi.
«Qurmetti «Qaraǵandy Sý» JShS tutynýshylary, 5 tamyz kúni tańerteń «ıÝgo-Vostok»,«Mıhaılovka» jáne «Oqtas» kentindegi tutynýshylardy sýmen qamtamasyz etetin «2-aımaq» bas sý aıdaý stansasynda elektr qýaty tolyq úzildi. «2-aımaq» birinshi sanattaǵy bas sorǵy stantsııasy, onyń eki fıder boıynda eki elektr kirisi bar. Saǵat 4-te 1 fıder jeliden shyqty, 05:17-de 2 fıder jeliden shyqty. Sondyqtan rezervýarlardan taza sý tasyp tógildi. Bul sý Karl Marks kóshelerimen aǵyp jatyr», - dep túsindirdi ol.
«Qaraǵandy sý» JShS baspasóz qyzmetiniń jetekshisi M.V.Bogdannyń habarlaýynsha, agregattar iske qosylyp, gıdravlıkalyq rejım qalpyna keltirilip jatyr.
