Kanvon-2024: Italııa 7 altynmen kósh bastady

ASTANA. KAZINFORM - Ońtústik Koreıanyń Kanvon qalasynda ótip jatqan jasóspirimder Olımpıadasynda Italııa quramasy 7 altyn, 2 kúmis, 2 qola medalmen kósh bastap keledi. Al Qazaqstan búgin 9-orynnan 14-orynǵa tómen syrǵydy.

Keshe ǵana jalpykomandalyq medaldar kestesinde 4 altyn, 2 kúmis, 2 qola júldemen birinshi orynda turǵan Germanııa búgin ekinshi orynǵa syrǵydy. Kersinshe keshe ıtalııalyqtar ekinshi orynda bolǵan. Al, Frantsııa quramasy úzdik úshtikti túıindep tur. 

Qazirge deıin Kanvon Olımpıadasynyń medaline 80 memleketten 29 el qol jetkizip úlgergen.

Medaldar kestesindegi alǵashqy ondyqqa engen elder:

1. Italııa – 7 altyn, 2 kúmis, 2 qola (11)

2. Germanııa – 6 altyn, 2 kúmis, 2 qola (10)

3. Frantsııa – 5 altyn, 2 kúmis, 2 qola (9)

4. Qytaı – 3 altyn, 6 kúmis, 1 qola (10)

5. Ońtústik Koreıa – 2 altyn, 2 kúmis, 4 qola (8)

6. Slovenııa – 2 altyn, 1 kúmis (3)

7. Nıderlandy – 2 altyn (2)

8. Avstrııa – 1 altyn, 6 kúmis, 4 qola (11)

9. Latvııa – 1 altyn, 3 kúmis, 1 qola (5)

10. AQSh – 1 altyn, 2 kúmis (3)

Esterińizge sala keteıik, osyǵan deıin qazaqstandyq hokkeıshiler Ulybrıtanııa komandasynan 22:13 esebimen utyp, Olımpıadanyń jartylaı fınalyna shyqqanyn jazǵan bolatynbyz.