Qańtardan bastap mobıldi aýdarym jasaǵanda neni eskerý kerek
ASTANA. KAZINFORM — 2026 jyldyń qańtarynan bastap Qazaqstanda mobıldi aýdarymdardy ákimshilendirý talaptary ózgerdi.
Memlekettik kirister komıtetiniń ókili Gúlden Hasenova 2025 jylǵy 12 qarashada Qarjy mınıstriniń buıryǵymen mobıldi aýdarymdarǵa qatysty jańa talaptar bekitilgenin aıtty. Soǵan sáıkes, 2026 jyldan bastap túsimder boıynsha jańa shekti mólsher — 12 eń tómengi jalaqy (ETJ) dep bekitildi.
— Buǵan deıin úsh aı qatarynan túrli adamdardan 100 jáne odan astam aýdarym túsken jaǵdaıda ǵana kásipkerlik qyzmet belgisi retinde qarastyrylatyn. Endi 2026 jylǵy 1 qańtardan bastap 12 eń tómengi jalaqy kólemindegi túsim lımıti qosylady, — dedi Gúlden Hasenova MKK-nyń Instagram paraqshasyndaǵy tikeleı efır barysynda.
Al Qarjy vıtse-mınıstri Erjan Birjanov 2026 jyldyń 1 qańtarynan bastap mobıldi aýdarym boıynsha eskeriletin úsh krıterııge qatysty túsinikteme berdi.
— 2026 jyldyń 1 qańtaryna deıingi erejede 2 faktor boıynsha tekserý júrgiziletin edi. ıAǵnı, ártúrli 100 adamnan 3 aı qatarynan aýdarym alsa, biz onda muny kásipkerlik retinde qarastyrǵan bolatynbyz. Biraq, osyny iske asyrǵan kezde usynystar kóp tústi. Máselen, aýdarym somasy az, 100, 200 teńgeden aýdarym bolatyny, somanyń mólsherin kórsetý kerektigi aıtyldy. Sondyqtan úshinshi kórsetkish engizdik. Onyń somasy — 12 AEK. ıAǵnı, 1 mln-nan asyp túsýi tıis. Osy krıterıı sáıkes bolǵanda ǵana aýdarymdardy baqylaýǵa alamyz, — dedi ol Úkimet otyrysynan keıingi brıfıngte.
Onyń túsindirýinshe, bir adamnyń shotyna 5 mln, 10 mln teńge 2-3 adamnan tússe, onda ol baqylaýǵa alynbaıdy. Nemese qańtarda aýdarym alyp, aqpanda aýdarym almasa ondaı da esepshottar baqylanbaıdy. ıAǵnı, 3 aı — qańtar, aqpan, naýryz aılarynda aqsha qatarynan túsýi kerek.
Budan buryn mobıldi aýdarymy nazarǵa ilikkenderge salyq organdarynan qandaı habarlama keletinin jazǵan edik.
Sonymen qatar, Qazaqstanda mobıldi aýdarym erejeleri ózgerdi.
2026 jyldyń 1 qańtarynan mobıldi aýdarym boıynsha salyqtan jaltarǵandardyń bereshegi qalaı óndiriletini anyqtaldy.