Qańtar aıynda baspana baǵasy qalaı ózgerdi

ASTANA. QazAqparat – Qazaqstanda ótken qańtar aıynda úıdi satý jáne jalǵa alý quny ósti. Bul týraly Ulttyq statıstıka bıýrosynan málim etti, dep habarlaıdy QazAqparat.

Turǵyn úı naryǵynda baǵa bir aı ishinde (2022 jylǵy jeltoqsan - 2023 jylǵy qańtar) jańa úıge – 0,7%, qoldanystaǵy úıge 0,3% ósti. Jalǵa berý quny 2,5% qymbattady.

Qańtarda baspananyń 1 sharshy metriniń ortasha baǵasy kelesideı boldy:
- jańa úı – 481 891tg;
- qoldanystaǵy úı – 515 019 tg;
- jalǵa beriletin úı – 4 671 tg

Aıta keteıik, bir jylda (2022 jylǵy qańtar – 2023 jylǵy qańtar aralyǵynda) qoldanystaǵy páterdi qaıta satý baǵacy – 18,7%, jańa baspanany satý 14% qymbattady. Al abattandyrylǵan turǵyn úıdi jalǵa alý quny34,3% artty.

Óńirler boıynsha bir jylda jańa páterler kelesi qalalarda edáýir qymbattady: Aqtaý – 28,2%, Aqtóbe – 25,4%, Petropavl – 20,9%.

Qoldanystaǵy páterler eń kóp qymbattaǵan qalalar: Semeı (46,8%), Qyzylorda (38,8%), Aqtóbe (37,3%), Aqtaý (35,4%), Taldyqorǵan (32,9%), Qostanaı (31%).

Baspana arendasy eń kóp qymbattaǵan qalalar: Qostanaı (55,6%), Kókshetaý (55,1%), Almaty (50,7%).