Qandaı jaǵdaıda shekaradan ótkenderdi sanıtar mamandar tekseredi
Sanıtarlyq-epıdemıologııalyq baqylaý komıteti shekaradan ótkizý talaptaryn túsindirdi, dep habarlaıdy Kazinform.
Keden odaǵynyń shekarasynda memlekettik sanıtarııalyq-epıdemıologııalyq qadaǵalaý Keden odaǵy komıssııasynyń 2010 jylǵy 28 mamyrdaǵy № 299 sheshimimen belgilengen.
Kólik pen adamdar keden odaǵynyń aýmaǵyna jáne aýmaǵynan kelgennen (ketkennen) keıin halyqtyń sanıtarııalyq-epıdemıologııalyq amandyǵy salasynda tótenshe jaǵdaı qaýpi bolǵan jaǵdaıda sanıtarııalyq karantın baqylaýynan ótýi kerek.
Mynadaı qaýip-qater kezinde sanıtarııalyq tekserý jasalady:
- kólik aýrý juqtyrǵan elderden (elge) jáne hımııalyq, radıatsııalyq avarııa aýdandary bar elderden (Dúnıejúzilik densaýlyq saqtaý uıymynyń tizbesine sáıkes) kelgen (ketken) kezde;
- aýmaqty sanıtarııalyq qorǵaý sharalaryn júrgizýdi talap etetin aýrýǵa kúdikti adamdardyń áýe nemese teńiz kemesiniń bortynda bolmaýy týraly aldyn ala aqparatty belgilengen tártippen habarlamaý;
- kólik quralynda aýrý juqtyrǵan elderden halyqaralyq reıspen kelgen nemese ınkýbatsııalyq kezeń sheginde osyndaı elderden kelgen adamdardyń bolýy;
- buryn júzege asyrylǵan sanıtarııalyq karantın baqylaý barysynda halyqaralyq tasymaldy júzege asyratyn kólikte halyqtyń sanıtarııalyq-epıdemıologııalyq salamattylyǵyn qamtamasyz etý salasyndaǵy zańnamanyń buzylýyn anyqtaý;
- bútindigi buzylǵan, quramynda ish kıim, kıim, tósek-oryn jabdyqtary nemese turmysta paıdalanatyn ózge de zattar, ydys-aıaq, oıynshyqtar bar jáne aýrý juqtyrǵan elderden nemese epıdemııa aımaǵynan kelgen halyqaralyq pochta jóneltimderi;
- aýrýǵa kúdikti adamdardyń kólikte bar ekeni týraly aqparattyń túsýi;
- kemirgishterdiń nemese olardyń iziniń kólik quralynda bolýy;
- aýrý juqtyrǵan aýdandary bar elderden nemese epıdemııa aımaqtarynan kelgen kólik quralynda jándikterdiń bolýy;
- baqylaýdaǵy radıatsııalyq fony joǵary taýarlardy, kólik quralynyń ornyn aýystyrý faktisin anyqtaý.
Búkil sharalar adam densaýlyǵyna yqtımal qaýipti ónimderdi ákelýge, ınfektsııalyq aýrýlardyń ákelinýine jáne taralýyna jol bermeı, sanıtarııalyq-epıdemıologııalyq qaýipsizdiktiń joǵary standartyn qamtamasyz etýge múmkindik beredi.
