Qanat Bozymbaev vıtse-premer bolyp taǵaıyndaldy
ASTANA. KAZINFORM — Memleket basshysynyń Jarlyǵymen Qanat Aldabergenuly Bozymbaev Qazaqstan Respýblıkasy Premer-Mınıstriniń orynbasary bolyp taǵaıyndaldy. Ol burynǵy atqarǵan laýazymynan bosatyldy.
Prezıdenttiń keńesshisi ári baspasóz hatshysy Berik Ýálıdiń aıtýynsha, Qanat Bozymbaev óńirlik saıasat, turǵyn úı-kommýnaldyq sharýashylyq, tótenshe jaǵdaılar jáne sý resýrstary máselelerine jetekshilik etetin bolady.
Qanat Aldabergenuly 1969 jyly Almaty qalasynda dúnıege kelgen.
1993 jyly Qazaq memlekettik basqarý akademııasyn ekonomıst mamandyǵy boıynsha támamdaǵan.
Eńbek jolyn 1993 jyly «Edem LTD» jaýapkershiligi shekteýli seriktestiginde ekonomıst bolyp bastaǵan.
1994-1997 jyldary Almaty qalasy ákiminiń kómekshisi.
1997 jyly «Almaz jáne Kompanııa» kompanııasynyń ekonomıkalyq máseleler jónindegi dırektory, Qazaqstan Respýblıkasy Ekonomıka jáne saýda mınıstrliginiń óńirlik saıasat bóliminiń basshysy.
1997-1998 jyldary «Munaı tasymaldaý jónindegi „QazTransOıl“ ulttyq kompanııasy» jabyq aktsıonerlik qoǵamynyń jıyntyq-qarjylyq departamentiniń bastyǵy, ekonomıkalyq máseleler boıynsha vıtse-prezıdenti.
08.1998-03.2000 jyldar aralyǵynda Qazaqstan Respýblıkasy Energetıka, ındýstrııa jáne saýda mınıstrliginiń munaı jáne gaz departamentiniń basshysy.
03.2000-12.2000 aralyǵynda Qazaqstan Respýblıkasynyń Energetıka, ındýstrııa jáne saýda vıtse-mınıstri.
01.2001-05.2001 aralyǵynda «KEGOC» ashyq aktsıonerlik qoǵamynyń birinshi vıtse-prezıdenti.
05.2001-08.2007 jyldar aralyǵynda «KEGOC» ashyq aktsıonerlik qoǵamynyń prezıdenti.
27.08.10.14.2007.2008 jyldar aralyǵynda «Memlekettik aktıvterdi basqarý jónindegi „Samuryq“ holdıngi» aktsıonerlik qoǵamynyń basqarma tóraǵasy.
10.2008-11.2009 jyldar aralyǵynda «KEGOC» aktsıonerlik qoǵamynyń basqarma tóraǵasy.
30.11.2009-12.2013 jyldar aralyǵynda Jambyl oblysynyń ákimi.
12.03.25.2013.2016 jyldar aralyǵynda Pavlodar oblysynyń ákimi.
25.03.12.18.2016.2019 jyldar aralyǵynda Qazaqstan Respýblıkasynyń Energetıka mınıstri.
18.12.2019 — 24.11.2021 jyldar aralyǵynda Qazaqstan Respýblıkasy Prezıdentiniń kómekshisi.
24.11.2021 — 10.06.2022 jyldar aralyǵynda Almaty oblysynyń ákimi.
2023 jyldyń 4 jeltoqsanynda Memleket basshysynyń ókimimen Qazaqstan Respýblıkasy Prezıdentiniń kómekshisi bolyp taǵaıyndaldy.
«Qurmet» ordenimen (2005) jáne «Eýrazııalyq ekonomıkalyq odaqtyń damýyna qosqan úlesi úshin» medalimen (29.05.2019) marapattalǵan.
Táýelsiz Memleketter Dostastyǵynyń eńbek sińirgen energetıgi.
Qazaq, orys, aǵylshyn tilderin biledi.
