Kanada Úndistannan ondaǵan dıplomatyn qaıtaryp aldy

Eki derjava arasyndaǵy kelispeýshilikke baılanysty 41 kanadalyq dıplomat Úndistannan ketti. Kazinform bul týraly VVS basylymyna silteme jasap habarlaıdy. 

Eki apta buryn Úndistan Kanadadan ondaǵan dıplomatııa qyzmetkerin qaıta shaqyrýdy talap etti. Eger olar Úndistanda qalatyn bolsa ımmýnıtetinen aıyramyz dep qorqytty. 

Kanadanyń resmı tulǵalary úndi tarapynyń qoqan-loqysy halyqaralyq quqyqty buzatynyn aıtty. Eki el arasyndaǵy qarym-qatynas Kanada «18 maýsymda qaza tapqan belsendi Hardıp Sıngh Nıdjardyń ólimine Úndistannyń qatysy bar» dep aıyptaǵannan keıin ýshyqty. Úndistan ony oıǵa qonymsyz dep atap, joqqa shyǵardy.

Beısenbi kúni Kanada Syrtqy ister mınıstri Melanı Djolı kóptegen kanadalyq dıplomat pen olardyń otbasy Úndistannan ketkenin rastady. 
Ol, úndistandyq taraptyń aqparaty boıynsha, tek 21 kanadalyq dıplomat ımmýnıtetin saqtaıdy dep tolyqtyrdy. Basqalary úshin búgin, 20 qazanda onyń kúshi birjaqty táptippen joıylady.

«Shtatty qysqartý ımmıgratsııa ótinishterin óńdeý ýaqytyn baıaýlataýy múmkin», - dep málimdedi Kanada ımmıgratsııa mınıstri Mark Mıller.

Buǵan deıin Úndistan men Kanada arasyndaǵy aýqymdy halyqaralyq janjal Kanada aýmaǵynda sıkh kóshbasshysy Hardıp Sıngh Nıdjar óltirilgennen keıin órship ketkeni habarlanǵan bolatyn.