Aljazeera: Izraıl Gazaǵa shabýyldaryn jalǵastyryp jatyr

ASTANA. KAZINFORM - AQSh pen Iran arasynda eki aptaǵa arnalǵan ýaqytsha bitim týraly kelisimge qaramastan, Izraıl Gaza sektoryn bombalaýyn toqtatar emes. Sońǵy 40 kúnniń ishinde shabýyldar 36 ret tirkelgen, dep habarlaıdy Aljazeera.com.

«Bitim» jarııalanǵanyna alty aı ótse de, Izraıl kelisimdi myńdaǵan ret buzyp, is júzinde kún saıyn soqqy jasap jatyr. Rafah ótkizý beketi jabyq kúıinde qalyp, asa qajetti azyq-túlik pen dári-dármek jetkizý shektelgen.

28 aqpan men 8 sáýir aralyǵynda Gazada keminde 107 adam qaza taýyp, 342-si jaralanǵan. Soǵys bastalǵaly beri qurbandar sany 72 myńnan asyp, olardyń basym bóligin áıelder men balalar qurap otyr. Sondaı-aq Al Jazeera telearnasynyń jýrnalısi qaza tapqany habarlandy.

Osyǵan deıin BUU Bas hatshysy Izraıldiń Lıvan aýmaǵyna jasaǵan soqqylaryn aıyptaǵan bolatyn.