Ystyqkólde dron jerge qulap, artynsha órtendi
ASTANA. KAZINFORM— Ystyqkólde dron apatqa ushyrady. Qyrǵyzstan UQK-niń Shekara qyzmeti qulaǵan dronǵa qatysty túsinik berdi.
- 14 tamyz kúni Balyqshy polıgonynyń aýmaǵynda taktıkalyq shaǵyn dronnyń jańa túrine oqý synaqtary ótkizildi, ol Ystyqkól oblysynyń Tamchy áýejaıyna qonýǵa kirgen kezde jerge qulap, belgili bir núktege jetpeı órtendi,-dep habarlady QR UQK shekara qyzmeti.
Shaǵyn dron apaty saldarynan zardap shekkender joq. Qazirgi ýaqytta áýejaı aýmaǵyn dron bólikterinen tazartý jumystary júrgizilip jatyr. Synaqshylar toby dronnyń qulaý sebepterin zerttep jatyr.
Vedomstvo Qyrǵyzstan Respýblıkasy Ulttyq qaýipsizdik memlekettik komıtetiniń Shekara qyzmetinde qyzmet etetin Bayraktar-dy qosa alǵanda, barlyq ushqyshsyz barlaý jáne shabýyldaý mashınalarynyń eshqandaı zaqym almaǵanyn málimdedi.