Ispanııada Pıkassonyń kartınasy joǵalyp ketti

ASTANA. KAZINFORM — Pablo Pıkassonyń 1921 jyly jaryqqa shyqqan «Gıtaramen natıýrmort» týyndysy Madrıdten Granadaǵa baratyn jolda joǵalyp ketti. Kartına CajaGranada qorynyń kórmesine qoıylýy tıis edi, dep jarııalady Euronews. 

Telearnanyń habarlaýynsha, Pablo Pıkassonyń 1921 jyly gýashpen salynǵan «Gıtaramen natıýrmort» kartınasy 8 qazanda ashylǵan CajaGranada qoryndaǵy «Natıýrmort. La eternidad de lo inerte» kórmesinde kópshiliktiń nazaryna usynylýy kerek edi. Alaıda, kólemi 9-da 12,7 santımetr bolatyn shaǵyn týyndy dittegen jerine jetpedi. 

Kartınany Madrıdtegi Pıo XII jeke úıinen óner týyndylaryn tasymaldaýǵa mamandanǵan kompanııa jetkizgen. Ol 25 qyrkúıekte kórmedegi basqa kartınalarmen birge qoımaǵa qoıylǵan. Ataqty týyndy endi Granadaǵa jetkizilýi tıis edi. 

Kórme 2 qazan kúni bastalyp, jumystar Granada mádenı ortalyǵyna 3 qazan kúni saǵat 10:00–de jetkizilgen. Sol túni kartınalar Deıfontes qalashyǵynda bolǵan. Polıtsııa qyzmetkerleri sýretshiniń týyndysy osy mańda urlanýy múmkin degen boljam jasady. 

Ulttyq polıtsııanyń tarıhı mura brıgadasy 10 qazanda qordyń túsirgen shaǵymynan keıin tergeýdi bastaǵan.

Polıtsııanyń habarlaýynsha, qazir kartınanyń qaıda ekeni anyqtalǵan joq jáne eshkim qamaýǵa alynbady. 

Eske sala keteıik, byltyr Koloradoda qoımadan Djordj Vashıngtonnyń portreti urlanǵan bolatyn.