Ispanııada 105 jastaǵy keıýana koronavırýstan aıyqty
NUR-SULTAN. QazAqparat - Koronavırýs juqtyrǵan 105 jastaǵy Ispanııa turǵyny Evarısta Rýbıo dertinen aıyqty. Juma kúni AVS gazeti habarlaǵandaı, ol keshe Merıda qalasyndaǵy aýrýhanadan emdelip shyqty.
Basylymnyń málimetinshe, keıýana aýrýhanaǵa osydan úsh kún buryn dene qyzýy kóterilip jáne tynys alýy qıyndap kelgen.
Ispanııada alǵash ret koronavırýs 31 qańtarda tirkeldi. Aýrý juqtyrǵandar sany Italııada indet taraǵannan keıin birden ósken. Naýryz aıynyń ortasynan beri koroldikte koronavırýstyń taralýyna baılanysty joǵary daıyndyq rejımi jumys istep keledi. Sońǵy málimetterge sáıkes, Ispanııada ınfektsııa taraǵannan bastap 188 myń adam aýrý juqtyrǵan. Qaıtys bolǵandar sany 19478.
