Irannyń Hark aralynda jarylystar boldy

ASTANA. KAZINFORM - Parsy shyǵanaǵyndaǵy Iran munaıynyń negizgi eksporttyq toraby sanalatyn Hark aralynda jańa jarylystar tirkeldi, dep jazady BILD.

Bul týraly ırandyq Mehr agenttigi habarlap, aralǵa shabýyl jasalǵanyn málimdegen. AQSh-tyń resmı ókilderi soqqylar bolǵanyn Axios jáne Fox News basylymdaryna bergen pikirlerinde rastady.

Fox News málimetinshe, shabýyl nysanasyna býnkerler, radıolokatsııalyq stansa jáne oq-dári qoımalary alynǵan. Bul aralǵa jasalǵan alǵashqy soqqy emes, naýryz aıynyń ortasynda amerıkalyq áskerıler oǵan áýeden de soqqylar jasaǵan.

Hark araly Iran munaıyn eksporttaýda strategııalyq mańyzǵa ıe — álemdik naryqqa jetkiziletin munaıdyń eleýli bóligi osy aral arqyly ótedi.

Osyǵan deıin Tramptyń Iran men Hark aralynyń munaıyn basyp alýǵa ruqsat bergeni týraly jazdyq.