Irannan 30-dan astam ózbekstandyq evakýatsııalandy
TAShKENT. KAZINFORM — Ózbekstan Irannan 30-dan astam azamatyn evakýatsııalady, dep habarlaıdy Kazinform agenttiginiń menshikti tilshisi.
Syrtqy ister mınıstrliginiń málimetinshe, ózbekstandyqtardy Otanyna qaıtarýǵa Ázerbaıjan men Túrikmenstan úkimetteri kómek kórsetken.
Resmı aqparatqa sáıkes, Tegeran men Tel-Avıvtegi Ózbekstan elshiligi azamattardyń qaýipsizdigin qamtamasyz etý úshin táýlik boıy jumys istep tur.
Sonymen qatar Syrtqy ister mınıstrligi Iran men Izraıldegi ózbekstandyqtarǵa qaýipsiz jerlerden ketpeýge jáne dıplomattarmen baılanysta bolýǵa keńes berdi.
Eske salaıyq, QR Syrtqy ister mınıstrligi habarlaǵandaı, osy ýaqytqa deıin 70-ke jýyq qazaqstandyq Irannan shyǵaryldy. Sondaı-aq, búginde Iranda — 132, Izraılde — 219 otandasymyz bar.