Irandaǵy sý tasqynynan 56 adam kóz jumdy

TEGERAN. IRNA - QazAqparat – Irandaǵy sý tasqynynan qaza tapqandar sany 56 adamǵa jetti. Bul týraly QazAqparat IRNA-ǵa silteme jasap habarlaıdy.

«Sý tasqynynan mert bolǵandar sany 56 adamǵa jetti», - dedi Iran Qyzyl Jarty Aı qutqarý jáne kómek kórsetý qyzmetiniń basshysy Mehdı Velıpýr.

Іzdeý-qutqarý jumystary júrip jatyr.

«Ókinishke qaraı, bizdiń 18 azamatymyz joǵalǵandar tiziminde. Bizdiń komanda sý tasqyny bolǵan jerde izdeý-qutqarý jumystaryn jalǵastyryp jatyr. Qazirgi ýaqytta 3700 adamdy ýaqytsha baspanamen qamtydyq. Bizdiń komanda 2500 adamdy qutqaryp, olardy qaýipsiz aýdanǵa kóshirdi», - dedi Velıpýr.

Foto: tr.irna.ir