Irakta Túrkııa dıplomatyn atyp óltirdi

ERBIL.QazAqparat – Iraktyń Erbıl qalasynda Túrkııanyń dıplomattaryna qarýly shabýyl jasaldy. Túrkııanyń Iraktaǵy bas konsýldyǵynyń qyzmetkeri qaza tapty, dep habarlaıdy Anadolý agenttigi.

Agenttiktiń deregine qaraǵanda, oqys oqıǵa meıramhanada bolǵan. Meıramhana ıesiniń aıtýynsha, dıplomattar kire bergende azamattyq kıim kıgen qaskóı eki tapanshamen oq jaýdyrǵan.

Túrkııanyń bir dıplomaty sol jerde jan tapsyrǵan.

Erbıl polıtsııasynyń bastyǵy Abdýlhalık Talat osy is boıynsha tergeý bastalǵanyn jetkizdi. Ári egjeı-tegjeıli aqparat keıinirek habarlanatynyn aıtty.

Qazir Erbılden shyǵatyn joldardyń barlyǵy jabylǵan, shabýyl jasaǵan adamdy polıtsııa izdep jatyr.