iPhone 6-nyń tanystyrylymy bolatyn kún belgilendi
ASTANA. QazAqparat - Amerıkalyq Apple kompanııasynyń jańa iPhone 6 smartfonyn tanystyrý baspasóz konferentsııasy 9 qyrkúıekte ótedi. Bul týraly «alma» ónimderi jaıly senimdi aqparatty dástúrli túrde jetkizýshi Recode saıty habarlady, dep jazady ITAR-TASS.
Osyǵan deıin saıt smartfonnyń 16 qyrkúıek kúni tanystyrylatynyn jáne satylymǵa 14 qazanda shyǵatynyn málimdegen bolatyn. Derek kózderi ázirge Apple-dyń qyrkúıek aıynda apparattyń birden eki nusqasyn - 4,7 jáne 5,5 dıýım ekrandy nusqalaryn tanystyrady degen aqparatty taratpaı otyr.
Sarapshylardyń pikirinshe, jańa iPhone-nyń 13 megapıkseldi kamerasy, eki ıadroly A8 protsessory bolady jáne iPhone 6-nyń synbaıtyn shynymen jabdyqtalǵan. Ol jaqut krıstalldaryn qodaný arqyly jasaǵan.
Apple kompanııasynyń ókilderi dástúrli túrde daıyndalyp jatqan sharanyń egjeı-tegjeıin sońǵy sekýndtarǵa deıin qupııa saqtamaq. Ázirge eshkim korporatsııanyń neni kórsetetinin naqty aıta almaıdy.
