Byltyr altyn urlyǵy men zańsyz ken óndirýge qatysy bar 1400-den astam adam ustaldy
ASTANA. KAZINFORM – Іshki ister mınıstrligi altyn urlyǵy men zańsyz ken óndirýdiń jolyn kesý boıynsha júıeli sharalardy jalǵastyryp jatyr, dep habarlaıdy Polisia.kz.
Vedomstvo málimetinshe, Memleket basshysynyń tapsyrmalary aıasynda qala quraýshy kásiporyndardyń, sonyń ishinde altyn óndirý sektoryndaǵy nysandardyń turaqty jumysyn qamtamasyz etýge baǵyttalǵan jumystar júrgizilýde.
Ótken jyldan beri respýblıka boıynsha altyn urlyǵy men zańsyz ken óndirýge qatysy bar 1400-den astam adam jaýapkershilikke tartylǵan. Sondaı-aq zańsyz aınalymnan 12 tonnadan astam altyn quramdy materıal tárkilengen.
Bıyl Jambyl oblysyndaǵy «Aqbaqaı» taý-ken baıytý kombınaty aýmaǵynda altyn quramdy kendi zańsyz óndirý, óńdeý jáne urlaýmen aınalysqan uıymdasqan qylmystyq topqa qatysty sotqa deıingi tergeý aıaqtaldy. Qylmystyq is qazirgi ýaqytta sotta qaralýda.
Jedel is-sharalar barysynda kásiporyn aýmaǵyna zańsyz kirý áreketi der kezinde toqtatylyp, Jambyl, Ulytaý jáne Qaraǵandy oblystarynyń turǵyndarynan quralǵan top ustaldy. Olar altyn quramdy materıaldy urlaý arnasyn jolǵa qoıýǵa árekettengen.
Kúdiktilerden qarý-jaraq, iri kólemdegi qarajat, baılanys quraldary jáne avtokólikter tárkilendi. Qazirgi tańda keltirilgen zalal kólemi anyqtalyp jatyr.
Sonymen qatar kásiporynnyń kúzet jáne qaýipsizdik qyzmeti ókilderiniń zańsyz áreketterge qatysy bar-joǵy tekserilýde.
ІІM málimetinshe, qabyldanǵan sharalar altynnyń kóleńkeli aınalymyn azaıtýǵa jáne eldiń ekonomıkalyq qaýipsizdigin nyǵaıtýǵa múmkindik berip otyr.
Aıta keteıik, Іshki ister mınıstrligi zań men tártipti qamtamasyz etý baǵytyndaǵy jumysty jalǵastyrady.
Buǵan deıin Qaraǵandy oblysynda páter urlyǵymen aınalysqan qylmystyq top ustalǵany habarlandy.
