Iordanııa SІM Izraıl shekarasyndaǵy shabýyldy aıyptady
ASTANA. KAZINFORM – Amman Batys jaǵalaýmen shekaradaǵy shabýyldy batyl túrde aıyptap, ony halyqaralyq quqyqty óreskel buzý jáne patshalyqtyń gýmanıtarlyq kúsh-jigerine qaýip tóndirý dep atady, dep habarlaıdy Kazinform agenttiginiń menshikti tilshisi.
Beısenbide ıordanııalyq júk kóliginiń júrgizýshisi Iordanııada «Korol Hýseın kópiri» dep atalatyn Allenbı baqylaý beketine shabýyl jasady. Oqıǵa barysynda ol tapansha men pyshaq qoldanǵan, nátıjesinde eki ızraıldik – BÓP qyzmetkeri qaza tapty, taǵy ekeýi aýyr jaraqat aldy.
Baqylaý beketiniń kúzeti oq jaýdyryp, shabýyldaýshynyń kózin joıdy. «Korol Hýseın kópiri» (Al-Karame) baqylaý beketindegi shabýyl «halyqaralyq quqyqtyń eleýli buzylýy jáne Iordanııanyń Gaza sektoryna kómek kórsetýdegi negizgi róline tikeleı qaýip tóndiredi». Bul týraly Iordanııa SІM málimdemesinde aıtyldy. Vedomstvo el múddesine qaýip tóndiretin «zorlyq-zombylyq pen quqyqqa qaıshy áreketterdi qatań túrde qabyldamaý» mindettemesin atap ótti.
Keıinirek Iordanııa tarapy shabýyldaýshynyń jeke basyn anyqtady. Ol 56 jastaǵy Abdel-Mýttalıb ál-Kaısı bolyp shyqty. Ol sońǵy úsh aıda Gaza sektoryna reıster jasaǵan azamattyq gýmanıtarlyq júk kóliginiń júrgizýshisi bolǵan.
Sonymen qatar Iordanııa SІM Izraıldiń Gazaǵa qarsy áskerı agressııasyn dereý toqtatý qajettiligin atap ótti jáne atysty toqtatýdy talap etti. Sondaı-aq, málimdemede halyqaralyq qaýymdastyqty eki memleket negizinde sheshimge qol jetkizý úshin tıimdi dıplomatııalyq bastamaǵa shaqyryp, órshýdiń aımaqtyq saldary týraly eskertti.
Oqıǵaǵa baılanysty Iordanııanyń qoǵamdyq qaýipsizdik dırektsııasy «Korol Hýseın kópiri» baqylaý beketi arqyly jolaýshylar tasymalyn odan ári eskertýge deıin toqtata turatynyn jarııalady jáne azamattardy shekara beketiniń jumysyn qaıta bastaý týraly resmı habarlandyrýlardy qadaǵalaýǵa shaqyrdy.
Izraıl bıligi shabýylǵa jaýap retinde Allenbıdi (Korol Hýseın kópiri) jaýyp tastady — Batys jaǵalaýdaǵy Iordanııaǵa jáne syrtqy álemge jalǵyz ótkel. Izraıl áýejaılary basqarmasy Iordan ózeniniń soltústik ótkeli de jabylǵanyn, al Rabınniń Ońtústik ótkeli tek qyzmetkerler úshin ashyq ekenin habarlady. Egıpet shekarasyndaǵy Taba ótkeli ádettegideı jumys isteıdi. Shekara ótkeli Gaza sektoryndaǵy palestınalyqtarǵa gýmanıtarlyq kómek kórsetý úshin qoldanylady.
Iordanııa SІM beısenbide Gazada gýmanıtarlyq kómekpen 22 Iordanııalyq júk kóligi júrgenin rastady, al operatsııa bastalǵannan beri barlyǵy 201 kolonnanyń quramynda 8 664 júk kóligi shekara arqyly jiberildi. Dıplomatııalyq vedomstvonyń aıtýynsha, Iordanııa anklav úshin mańyzdy gýmanıtarlyq dálizge aınaldy.
Esterińizge sala keteıik, osy jyldyń basynda Qazaqstan Islamdyq azyq-túlik qaýipsizdigi uıymy arqyly jáne Iordanııanyń kómegimen Gaza sektoryna un jibergen bolatyn. Gýmanıtarlyq kómek tıelgen júk kóligi dál osy baqylaý-ótkizý pýnkti arqyly shekaradan ótti. Buǵan deıin osy BÓP arqyly palestınalyq dárigerdiń otbasy Gaza sektorynan Qazaqstanǵa kóshirildi.