Iordanııa men Izraıl áýe keńistigin ashty

ASTANA. KAZINFORM — Izraıl jergilikti ýaqyt boıynsha saǵat 07:30-dan bastap áýe keńistigin ashatynyn málimdedi. Bul týraly BBC jazdy. 

Izraıldiń áýe keńistigi jeti saǵat boıy jabyq boldy. Ol Iran ushqyshsyz ushaqtar men zymyrandardyń shabýylyn jasaı bastaǵannan keıin jabylǵan. 

Iordanııa memlekettik telearnasy da eldiń senbi kúni túnde jabylǵan áýe keńistigin ashyp jatqanyn habarlaǵan.

Buǵan deıin Air Astana turaqsyz geosaıası jaǵdaıǵa baılanysty Dýbaıǵa reıstiń keshigetinin habarlaǵan bolatyn. 

Reseı avıatsııasy da reseılik áýe kompanııalaryna Irak, Iordanııa jáne Izraıldiń áýe keńistigin paıdalanýǵa, sondaı-aq osy elderge ushýǵa tyıym saldy.