Internettegi qazaq tiliniń jaǵdaıy talqylanbaq

ASTANA. 14 qyrkúıek. QazAqparat - 17 qyrkúıek kúni Almatydaǵy  «Dostyq úıiniń» Úlken zalynda (Almaty qalasy, Qurmanǵazy kóshesi, 40 úı) saǵat 10:00-de «Internet jelisinde qazaqtildi mazmundy damytý jáne nasıhattaý» taqyrybynda semınar-trenıng ótedi.

Bul týraly «WikiBilim» qoǵamdyq qory habarlaıdy.

Semınar aıasynda Qazaqstan Respýblıkasy Úkimetiniń qamqorlyǵymen júze asyrylyp jatqan «WikiBilim» qoǵamdyq qorynyń birqatar jobalary tanystyrylmaq. Atap aıtsaq, Loýrens Lessıgtiń «Erkin mádenıet» atty kitabynyń qazaqsha basylymy («Free Culture», «Svobodnaıa kýltýra») tanystyrylady. Kitap ınternettegi avtorlyq quqyq máselelerin qaıta qaraýǵa arnalǵan. Sondaı-aq, semınarda «Qazaqstannyń ashyq kitaphanasynyń» (www.iKitap.kz ) jáne kitaphana aıasynda jumys isteıtin onlaın «Qazaq tiliniń ámbebap sózdiginiń» tusaýkeseri bolady.

Semınar jumysyna jaýapty memlekettik organdardyń ókilderi, sarapshylar, halyqaralyq jáne qazaqstandyq ınternet jobalardyń jetekshileri, ǵylymı ortalyqtar men shyǵarmashylyq qaýymdastyq ókilderi qatysady.

Sharynyń baǵdarlamasynda onlaın jýrnalıstıka negizderimen tanysqysy keletinderge bilim berý trenıngteri qarastyrylǵan.

Semınar esigi qyzyǵýshylyq tanytqan kópshilikke ashyq.