Internet alaıaqtaryna kómektesken aqtóbelik dropper shekarada ustaldy
AQTÓBE. KAZINFORM – Úsh jábirlenýshi 20 mln teńge aqshasynan aıyryldy. Kúdikti olarǵa iri kompanııalardyń aktsııasyn satyp alý arqyly paıda tabýǵa bolatynyn aıtqan.
Aqtóbede ınternet alaıaqtaryna kómektesti degen kúdikpen 25 jastaǵy jigit ustaldy. Ol adamdardy aldap, aqsha alyp, kórshi eldegi qylmysty uıymdastyrýshylarǵa jetkizip otyrǵan.
- Kúdikti Aqtóbe aýmaǵyndaǵy dropperlerdi basqaryp otyrǵan. Sondaı-aq adamdardy aldap, aqsha alǵan soń shekara asyp, uıymdastyrýshylarǵa jetkizip otyrǵan. Internet alaıaqtary Instagram áleýmettik jelisi arqyly iri kásiporynnyń aktsııasyn satyp alyp, tabys tabýǵa bolatynyn aıtyp sendiredi. Keıin dropperlerdiń esepshotyn berip, aqshany sonda aýdartady. Aqsha túsken soń izin jasyryp otyrǵan. Esepshotqa túsken aqshany bankomattan qolma-qol alyp, tasymaldaıdy. Úsh jábirlenýshiniń shyǵyny 20 mln teńgege jetti,- dedi Aqtóbe oblystyq PD baspasóz qyzmetiniń jetekshisi Erbolat Sarqulov.
Aqtóbelik qazirge kezde qamaldy. Sonymen birge onyń kóligi aıyp turaǵyna qoıyldy.
Aıta keteıik, 2025 jyly «droptar» shottarynda 800,7 mln teńge buǵattaldy. Bul týraly Májilis depýtattarynyń saýalyna Іshki ister mınıstriniń birinshi Baýyrjan Álenovtiń jaýabynda aıtylǵan.