Indonezııa 1000 palestınalyqty ýaqytsha qabyldaýǵa daıyn

ASTANA. KAZINFORM — Indonezııa prezıdenti Prabovo Sýbıanto alǵashqy etapta jaralanǵandardy qosqanda 1000-ǵa jýyq palestınalyqty ýaqytsha qabyldaýǵa daıyn ekenin málimdedi, dep jazdy Anadoly. 

— Biz jaralanǵandardy qabyldaýǵa jáne olardy tasymaldaý úshin ushaqtar jiberýge daıynbyz, — dedi Indonezııa prezıdenti.

Antara News saıtynyń habarlaýynsha, Prabovo áýejaıda Birikken Arab Ámirlikteri, Túrkııa, Mysyr, Katar jáne Iordanııaǵa saparynyń aldynda osyndaı málimdeme jasaǵan. 

— Biz jaralanǵandardy qabyldaýǵa ári olardy tasymaldaý úshin ushaq jiberýge daıynbyz, — dedi Indonezııa prezıdenti. 

Onyń aıtýynsha, Indonezııa birinshi kezeńde jaralylarǵa basymdyq berip, 1000-ǵa jýyq palestınalyqty qabyldamaqshy. 

Sýbıanto buǵan qosa palestınalyqtar saýyǵyp ketkenshe elde ýaqytsha qala alatynyn aıtty. 

— Áýeli, biz barlyq taraptyń kelisimin alýy kerekpiz. Sol sebepti men aımaq basshylarymen kezdesý ótkizemin, — dedi Indonezııa prezıdenti.

Bul jospar Palestına bıligimen talqylanady, dep qosty ol.

2023 jyldyń 7 qazanynan beri Izraıldiń Gaza sektoryna jasaǵan shabýyldarynan qaza tapqan palestınalyqtardyń jalpy sany 50 810-ǵa, jaralanǵandar sany 115 688-ge jetti.

Buǵan deıin habarlanǵandaı, Gazada 60 myńdaı balanyń durys tamaqtana almaýyna baılanysty densaýlyǵy máz emes.